Skip to content

الحوادث و البلاك بيري . . ,

مايو 21, 2012

 

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين \ اما بعد …..

ياجماعه الخير موضوعي اليوم يتكلم عن الهواتف النقالة عامة ولاكن تركيزي اكثر شي على جهاز البلاك بيري وسوف اذكر السبب .

في يوم من الايام طالع اتمشى انا ومعاي ولد عمي فكان ولد عمي يسوق الموتر وانا قاعد جنبه … هو عنده البلاك بيري واشوفه كل دقيقه يرفع التلفون وينزله يقراء رساله ويطرش رساله عن طريق الماسنجر اللي في جهاز البلاك بيري …. الى الان الامور طبيعية ولاكن فجاة ….؟؟؟ اشوف ولد عمي قاعد يكتب رسايل ونسى انه قاعد يسوق موتر وسط شارع رئيسي مزدحم بالسيارات والناس وانا قاعد اشوفه كل ساعه يلف على موتر ولا يحك رصيف …… وانا فقدت اعصابي وما احب حد يسوق وما ينتبه عدل على الشارع ….. كلمته وقلت له يابوفلان خل عنك هذا الجهاز لين ما نوصل مكان نقعد فيه وبعدين سو اللي انت تبيه …. وهو بكل بروووود يقول لي لا ما عليك لا تحاتي انا منتبه للشارع المهم تميت انصحه مافي فايده وبعد عشر دقايق كنا في السوق وهو على نفس الحاله ينتبه شوي للشارع ويرجع يشوف الجهاز ويكتب رسايل …….. انا جاني اتصال وقعدت اتكلم بالجوال شوي ولا موتر طلع قدامنا والحبيب اللي يسوق جنبي ما يشوفه وجان ندعمه بس الحمدلله كانت بسيطه وعدت على خير ….. يوم صار هذا الشي بصراحة عصبت عليه وانفجرت من القهر لاني قلت له بس ما سمع كلامي وعلى فكره ترى هذا الحادث الثالث اللي يصيب ولد عمي بسبب الجوال …… ولين اليوم وهو على حالته وانا قلت له ما اركب معاك الا اذا انا اسوق او تطفي الجهاز نهائيا …… هذا كان الموضوع الاول

الموضوع الثاني بعد نفس الشي بس كنت مع واحد مني ربعي ونفس الموقف اللي صار في الموضوع الاول تكرر معانا ومن يومها وانا اقول لهم ما ابي اطلع مع اي حد يستخدم هذا الجهاز وقت سواقة السيارة ….. يا ناس بالعقل قولوا لي ايش اهم شي حياتك ولا جوالك وربعك …….؟؟؟؟؟ هذا السؤال اتمنى الكل يرد عليه ……… وابي من كل واحد يقراء الموضوع انه يتكرم بالرد على السؤال ويكتب لنا الحل المناسب في وجهة نظره ……

اسمحوا لي طولت عليكم في الموضوع والله من خوفي عليكم ومن حرصي الشديد على سلامتكم والله يحفظكم جميعا ودمتم سالمين مع خالص تقديري

 
منقول ,’

From → Uncategorized

اكتب تعليقُا

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: